Tannviðgerðir
Við notum mismunandi aðferðir og efni í tannviðgerðir. Val á viðgerðarefni ræðst af ástand tannarinnar og almennu ástandi munnhols.
Plastblendisviðgerðir
Plastblendi (e. dental composites) henta vel til að laga litlar og meðalstórar tannskemmdir og tannbrot. Plastblendisviðgerðir eru ágætlega slitsterk og hafa frábæra útlitseiginleika. Við notum plastblendi Filtek frá 3M sem hafa reynst frábærlega í gegnum áratugi og koma mjög vel út úr langtímarannsóknum.
Við framkvæmum langflestar plasblendisviðgerðir í staðdeyfingu og í góðri einangrun með gummidúk eða munnglennu. Tannskemmdin eða tannbrotið er hreinsað og tönnin er svo byggð upp með ljóshertu plastblendi.
Plastblendi henta illa sem viðgerðarefni í tennur þar sem stóran hluta tannar vantar eða tannkrónan er orðin veik – sem dæmi má nefna tennur með sprungur, rótfylltar tennur eða mjög illa skemmdar tennur.
Sprungur í glerung eru mjög algengar - miklu algengara en við gerum okkur grein fyrir. Sprungur eru partur af eðlilegu sliti sem á sér stað með tímanum.
Sprungur geta verið misalvarlegar og misáberandi. Þversprungur í jöxlum geta valdið sýkingum í tannholdi og beini.
Hér eru tvær sprungur sem eru í glerung framtanna. Þessar tennur eru ekki skemmdar og það hefur ekki þurft að gera við þær.
Engin hætta stafar af sprungum í þessu tilfelli. Þær eru hins vegar mjög áberandi og trufla sjúklinginn.
Við ákváðum að gripa inn í þetta og laga útflitið.
Við deyfðum tennurnar og opnuðum sprungur. Gerð var mjó rauf í glerung kringum sprungurnar til þess að auka bindiflöt. Tennurnar voru svo undirbúnar fyrir viðgerðir og fylltar með plastblendi.
Hér sést lokaniðurstaða strax eftir pússningu.
Tannkrónur úr heilkeramík
Tannkrónur henta mjög vel til að styrkja tennur þar sem stóran hluta tannar vantar eða tannkrónan er orðin veik – til dæmis í tönnum með sprungur á yfirborði, rótfylltum tönnum og mjög illa skemmdum tönnum.
Heilkeramík efni eru orðin mjög slitsterk og hafa mjög náttúrulegt form og útlit.
Algengustu efni sem við notum í tannkrónur eru zirkon og lithium disilicate (til dæmis E-max). Efnisval ræðst af ástandi tannarinnar og ástandi munnhols. Zirkon er slitsterkara á meðan að E-max er veikara en gefur náttúrulegra útlit og hentar betur í t.d. framtannakrónur.
Rótfyllingar
Stórar skemmdir geta valdið því að bakteríur komast úr munnholi og inn í tannrætur. Það veldur tannrótarbólgu og sýkingu. Þessu fylgja oft miklir verkir, en þó þekkist að tannrótarbólgan sé nánast einkennalaus.
Markmið rótfyllingarmeðferðar er að hreinsa allar bakteríur og dauðan vef út úr tönninni, og að koma fyrir þéttri rótfyllingu sem mun koma í veg fyrir að að tönnin mundi sýkjast aftur.
.png)
.png)
.png)
Implantakrónur
Stundum er ekki unnt að bjarga illa farna tönn. Í því tilfelli er hún fjarlægð og gervitönn smíðuð á ígrædda gervirót (betur þekkt sem implant eða tannplanti).
Meira um ígræði hér.
